又講o下應節奇聞.

話說上星期我嘔到七彩, 變成一個真虧人.
o係我嘔到七彩之前的night duty, 發生o左件奇聞.

話說o個晚上半晚都相安冇事. 各人都好安份守己的o係自己張床度瞓覺.

半夜3點, 我去round 一次d 人同牌板.

嚇然發現某床位個阿婆唔見o左!!!!!!!! 得返d件外套同棉被o係張床度!!!!!!
最嚇人的係佢d床欄係冇落到o架!!!!  (ie 個阿婆要跨欄落床 / o係d床隙中攝出來)

個阿婆不嬲都唔落床o既. 入o左院2個月以來, 落地行的次數...一隻手都數得到....

但係而家阿婆唔見o左喎!!!!

我睇過床邊冇人, 地下冇人, 隔離床的又唔係呢個阿婆喎!!! (話說之前有阿伯又係半夜唔見左, 原來佢瞓錯o左去隔離張吉床 ")

嚇到我tachy + 勁多adrenaline in blood stream!!

我搵埋其他同事一齊搵阿婆. 其他同事聽到之後同我一齊tachy.

我o地搵廁所, 搵ward出面, 搵其他吉床 ====> 都冇喎!

最後我一位senior的同事靈光一閃, 嘗試打開o左一個平時用來放地拖, 膠袋, 雜物的房仔.
呢度門平時都要俾少少力先開到.


一推.
開唔到.


再推.
有o野頂住.


再推.
見到阿婆除o左衫坐o左o個個房仔地下個shelf 的下格.


佢個樣都幾empty + hopeless.

我o地問佢 "做咩坐o左入去呀? 係唔係好驚呀? 唔使怕喎! 不如同姑娘一齊坐啦!"

我o地扶起o左佢, 問佢記唔記得發生咩事.
佢好似好氣促咁, 擰擰頭話唔知.

問佢想唔想返上床呀?
佢點點頭.

問佢想唔想見叫家人陪o下?
佢點點頭.

扶o左佢埋床, 安頓好就call 醫生.

本來諗o左一陣好唔好叫家人. senior 同事話, "呢d 時節, 都係叫o下好!"

打俾家人, 佢地都嚇親. 好快就到o左.
阿婆又好似醒返啦喎! 開始講到o野... 但係都係冇印象做咩自己落o左床.

解釋o左發生咩事後, 家人就o係床邊陪阿婆.

醫生話 ?delirium



之後半夜再冇咩特別o野發生.


其實大家都心知咩事.




我返到屋企同阿媽阿爸講起.
佢話可能阿婆當o左o個度係衣櫃, 想去換件衫咁...





最後..
阿婆過o左一日真係bye bye o左.....









night 完去o左睇鬼片 "drag me to hell" (片....一般啦. 都夠嘔心同驚嚇o既. 不過劇情都易估到)
跟住食d酸辣o野
再搭巴士返家 (都搭o左幾耐o下)

之後就嘔到七彩啦!!

阿媽就幫我求o左度平安符.




Multiple Choice Question:

以上文章中, 到底作者 ("我") 嘔的原因為:

A) 食物中毒?
B) 暈車浪?
C) 感冒?
D) 嚇親?
E) ALL of the above

哈哈!